Публикации » Тĕнче марафонĕнче

24 сентября 2008 г.

Çуран чупас енĕпе Мускавра ирттернĕ тĕнче марафонне тĕр­лĕ ÿсĕмри спортсменсем 28 çĕр-шывран 3000 çынна яхăн хутшăннă. Кăмăл тăвакансем Чăваш Енрен 15 çын пулнă. Çав шутра Вăрмар районĕнчен виççĕн: С. Егорова (Чупай), Н. Михайлов (Вăрмар поселокĕ), К. Иванов (Ки­вĕ Вăрмар). 16 çултан пуçласа 90 çул таранччен спорта юратакансене пĕрлехи старт панă. Пурте 10 километра чупса ăмăрт­нă. Çивĕч кĕрешÿре çак дистанцие Н. Михайлов ветеран 46 минут та 11 çеккунтра вĕçленĕ. С. Егорован кăтартăвĕ – 50 минут та 01 çеккунт, К. Ивановăн – 52 минут та 01 çеккунт. Марафонра чупнă Н. Михайлов каласа панă тăрăх, Етĕрне районĕнче çуралса ÿснĕ, тĕнче класлă спорт мастерĕ, Пекинри çуллахи XXIX Олим­пиадăна хутшăннă С. Иванов вара ку дистанцире çĕн­терÿçĕ ятне çĕнсе илнĕ.