00:00 09 апреля 2010 г.
Çăмăл атлетика. Апрелĕн 3-мĕшĕнче Шупашкар хулинчи манежра Чăваш Республикинче мала тухассишĕн çăмăл атлетика енĕпе 1995-1996, 1997-1998 çулсенче çуралнă çамрăксем хушшинче ирттернĕ икĕ енлĕ ăмăртура (300 тата 600 метр чупасси) Катя Максимова (Арапуç ялĕ) начар мар результат кăтартнă. Çивĕч тупăшура виççĕмĕш вырăн йышăнма ăна 2 очко çитмен. Пысăк Енккасси шкулĕнче вĕренекен Мария Иванова, Геннадий Егоров результачĕсем те вĕсем малашне пысăк çитĕнÿсем тума пултарасса шанăç парать.
Волейбол. Çак спорт енĕпе Чăваш Республикинче ар çынсем хушшинче мала тухассишĕн Красноармейски зонине кĕрекен командăсем (Куславкка, Сĕнтĕрвăрри, Çĕрпÿ, Красноармейски, Вăрмар) ирттернĕ ăмăртусенче Вăрмарсем 3-мĕш вырăн йышăннă.