00:00 30 марта 2010 г.
Тăван çĕршывăн аслă вăрçинче Çĕнтерÿ тунăранпа 65 çул çитнине халалласа районти Культурăпа кану центрĕнче «Мухтав ахрăмĕ» ятпа театрсемпе драма коллективĕсен фестивалĕ иртнĕ. «Чи лайăх арçын ролĕ» номинацире К.Емельянов (Кĕтеснер ял тăрăхĕ) - пĕр степеньлĕ, А.Сорокин (Чулкас ял тăрăхĕ) - иккĕмĕш степеньлĕ, Н.Гаврилов (Пысăк Енккасси) виççĕмĕш степеньлĕ дипломсене тивĕçнĕ.
«Чи лайăх хĕрарăм ролĕ» номинацире А.Андреева (Кавал ял тăрăхĕ) - пĕрремĕш, Г.Солостей (Энĕшпуç ял тăрăхĕ) - иккĕмĕш, А.Игнатьева (Чулкас ял тăрăхĕ) виççĕмĕш степеньлĕ дипломсене çĕнсе илнĕ. «Режиссерăн чи лайăх ĕçĕ» номинацире Б.Васильевăн «А зори здесь тихие» повеçĕн пĕр сыпăкĕ тăрăх пĕрремĕш степеньлĕ диплома Кĕтеснерти Культурăпа кану центрĕ, «Ăслă арăм» пьесăшăн иккĕмĕш степеньлĕ диплома - Энтриялĕнчи, «Мухтав ахрăмĕ» сценкăшăн виççĕмĕш степеньлĕ диплома Энĕшпуçĕнчи Культура çурчĕсем тивĕçнĕ.
«Чи лайăх спектакаль» номинацире «Фронтран килнĕ çыру» сценка лартса Арапуçĕнчи Культурăпа кану центрĕ çĕнтерÿçĕ пулса тăнă.