Новости » Шупашкарта – музейра

00:00 19 марта 2010 г.

«Музей тата ачасем» акципе килĕшÿллĕн Шăхальти тĕп шкулта тĕрлĕ мероприятисем пулчĕç. Иртнĕ кунсенче кăна-ха 5-9 класс ачисем Шупашкара Чăваш наци музейне кайса курчĕç. Ачасене музей питĕ килĕшрĕ. Ачасем хаваспах пĕр залран тепĕр зала çÿрерĕç. Пĕрремĕш залрах вĕсем Шăхаль ялĕн паллă ученăйĕн К.Эллен портретне, археологи экспедицийĕн членĕсемпе ÿкернĕ сăн ÿкерчĕкне курса тĕлĕнчĕç. Мĕнле тĕлĕнмĕн-ха, Шăхаль çынни çинчен Чăваш наци музейĕнче те пĕлеççĕ. Тĕлĕнмеллисем татах та пулчĕç. Музейра ĕлĕкхи музыка инструменчĕсене те куртăмăр. Республикипе кун пек ăстасем 2 çын кăна-мĕн. Вĕсенчен пĕри пирĕн ентеш В.Чернов иккен. Асăнмалăх нумай сăн ÿкерчĕксем турĕç. Экскурси хыççăн ачасемшĕн чи савăнăçлă самант çитрĕ. Вĕсем конькисем тăхăнса каток çинче ярăнчĕç. Нумайăшĕ вĕсенчен 1-мĕш хут каток çинче.