00:00 16 марта 2010 г.
Правительство çуртĕнче Н.Федоров Президент ертсе пынипе Министрсен Кабинечĕн черетлĕ ларăвĕнче патшалăхăн тĕрлĕ тытăмне пырса тивекен пĕлтерĕшлĕ ыйтусене пăхса тухнă. Чăваш Ен ертÿçи 2010 çулта çĕнĕ урамсене электрификацилесси, 2006-2010 çулсенчи инноваци аталанăвĕ, 2007-2009 çулсенче преступленипе кĕрешессине вăйлатасси, культурăри тĕллевсем, халăха ĕçпе тивĕçтерме хушма пулăшусем парасси, нумай хваттерлĕ çуртсене юсасси мĕнле пурнăçланнипе кăсăкланнă.
Ялсенчи урамсемпе çулсен тытăмне аталанма тата вĕсенче пурăнакансене, уйрăмах çамрăк çемьесемпе специалистсене, çурт-йĕр çавăрма пулăшас тĕллевпе республикăпа федераци бюджетсенчен хывнă субсидие мĕнле пайлассине, патшалăха валли туртса илнĕ çĕрсемпе ÿлĕмрен мĕнле усă курассине анлă сÿтсе явнă.