00:00 12 марта 2010 г.
Районти архива 1936 çулта йĕркеленĕ. Паянхи кунччен пуçтарăннă документсем пирĕн районăн пысăк пуянлăхĕ. Çак тупрана темиçе ăрури архивистсем тăрăшнипе пуçтарнă, упранă. Хальхи вăхăтра кунта 249 фонд, 32 пин ĕç упранать. Пурĕ 44 организацинчи документсенчен тулса пырать вăл. Архив фончĕн хучĕсене граждансен прависене, интересĕсене хÿтĕленĕ чухне, курс, диплом ĕçĕсем, статьясем çырма усă кураççĕ. Тĕслĕхрен, 2009 çулта архивран 1205 справка панă, кăçалхи çул - 310.