Новости » Информаципе пĕлÿ сехечĕ

00:00 09 марта 2010 г.

Районти тĕп библиотекăра Вăрмарти Г.Е.Егоров ячĕллĕ пĕрремĕш вăтам шкулта аслă классенче информаципе технологи профилĕпе пĕлÿ илекенсем пуçтарăнчĕç. Вĕсем ЧР Президенчĕ Н.В.Федоров Чăваш Республикин Патшалăх Канашне янă «Чăваш Ен: пуласлăхри тата пуласлăх валли» Çырăвне сÿтсе явас тĕллевпе «Чăваш Ен пуласлăхĕ информаци технологийĕсен аталанăвĕнче» ятпа информаципе пĕлÿ сехетне хутшăнчĕç.

Мероприяти «Чăваш Ен: пуласлăхри тата пуласлăх валли» ятпа йĕркеленĕ кĕнеке куравĕпе паллаштарнинчен пуçланчĕ, выставка 9 пайран тăрать. Кунта Президент Çырăвĕпе тĕплĕн паллашма пулать. Мероприятие пурĕ вĕрентекенпе вĕренекен 30 хутшăннă.