00:00 02 марта 2010 г.
Çак кунсенче ачасен районти пултарулăх çурчĕ йĕркеленипе шкул ачисем хушшинче хĕллехи туризм енĕпе 28-мĕш ăмăртусем иртнĕ. Пĕтĕмпе 10 шкул команди хутшăннă. Çамрăк туристсем хăйсем вырăн карттине, маршрутсене, медицинăпа тăван тавралăха мĕнле пĕлнине кăтартнă, тăван тăрăх историйĕпе пухнă материалсемпе паллаштарнă.
Пĕрремĕш вырăна Вăрмарти Г.Е.Егоров ячĕллĕ пĕрремĕш вăтам шкул команди (ертсе пыраканĕ В.Шапеев) тухнă. Иккĕмĕшпе виççĕмĕш вырăнсене Тикашсем (О.Мефодьев) тата Кавалсем (Э.Борисова) йышăннă.