Новости » Йĕлтĕр йĕрĕ çинче те малта

00:00 02 марта 2010 г.

Чăваш Республикин Ял хуçалăх министерстви Тăван çĕршыв хÿтĕлевçин кунне халалласа АПК отраслĕнчи предприятисем хушшинче йĕлтĕрпе чупса мала тухассишĕн ăмăртусем ирттернĕ. 16 командăран «Урмарская» ăратлă кайăк-кĕшĕк фабрики» акционерсен уçă обществин В.Федоров ертсе пыракан команди 5 тапхăртан тăракан хутăш эстафетăра чи лайăх результат кăтартса пĕрремĕш вырăн йышăннă. Сăмах май, министерство çулсерен ирттерекен çак ăмăртусенче хуçалăх спортсменĕсем çитĕнÿ хыççăн çитĕнÿ тăваççĕ. Енчен те виçĕм çул 3-мĕш, пĕлтĕр 2-мĕш вырăнсене çĕнсе илнĕ пулсан, кăçал - пĕрремĕшсем. Уйрăм йĕлтĕрçĕсем хушшинче те палăрнă ентешсем - Г.Андреев финиша иккĕмĕш çитнĕ.