00:00 26 февраля 2010 г.
2010 çулта Федераллă регистраци службин Управленийĕн уйрăмĕсене курав камерисем вырнаçтарас ĕç вĕçленчĕ. Халĕ Интернет пулăшнипе документсем йышăнакан пÿлĕмсенче мĕн чухлĕ çын пулнине курма пулать. Ку пулăшупа усă курас тесен Управленин сайтне www. rogre21.ru адреспа кĕмелле, «Курав камерин он-лайнĕ» баннер уçмалла, ЧР карти çинче хамăра интереслентерекен хула, район центрне суйламалла. Трансляци хальхи вăхăтпа иртет. Çакна палăртмалла, ку пулăшупа республикăра анлă усă кураççĕ. Тĕслĕхрен, Вăрмар поселокĕнче пурăнакан пĕр хĕрарăм ĕçри компьютер урлă районти Регистраци службинче халăх пуррипе çуккине тĕрĕсленĕ те пуçлăхĕнчен тухса кĕме ыйтнă, тепĕр 5 минутран вара хут ĕçĕсене вĕçлесе ĕç вырăнĕнче пулнă.