00:00 26 февраля 2010 г.
Февралĕн 1-мĕшĕнчен Чăваш Енри почта çыхăнăвĕн хăш-пĕр уйрăмĕсенче авиа тата чукун çул билечĕсене туянма пулать.
Билета туянас тесен халĕ вокзалти черетсене тăмасан та юрать. Канашри почта çыхăнăвĕн 5-мĕш уйрăмĕнче (чукун çул вокзалĕ патĕнче), Улатăрти тĕп почтамтра, Çĕмĕрлери пĕрремĕш, Çĕнĕ Шупашкарти 5-мĕш номерлĕ, Патăрьелти почта çыхăнăвĕн уйрăмĕсенче клиентсем пĕр сăкăлтăксăр пур еннелле каймалли билетсене туянма пултараççĕ. Çакăн валли паспорт тата укçа кирлĕ. Çĕнĕ пулăшу çинчен пĕлекенсем унпа активлă усă кураççĕ.