00:00 22 января 2010 г.
«Хĕрлĕ ялав» хаçатăн экономика, промышленноç тата ял хуçалăх пайĕ 2010 çулта ирттерекен
«Вĕлле хурчĕ - ылтăн хурт» конкурс
«Хĕрлĕ ялав» хаçат редакцийĕпе райадминистрацин ял хуçалăх, экологи тата çĕрпе пурлăх пайĕ пĕрле ирттерме йышăннă конкурс ирттермелли положение çирĕплетнĕ.
КОНКУРС ПОЛОЖЕНИЙĔ
Конкурс тĕллевĕ - хуçалăхсенче тата уйрăм çынсем пыл хурчĕ ĕрчетес енĕпе туса ирттерекен ĕçе анлăн çутатасси, пыл хурчĕсен çемье пуçне ÿстересси, пĕр-пĕрин опычĕпе ĕçре усă курма май туса парасси, çавăн пекех ÿссе çитĕнекен ăрăва ĕлĕкхи ăстасен ĕçĕ-хĕлĕпе, кун -çулĕпе паллаштарасси. Пыл хурчĕсене пăхасси, унтан тупăш илесси яваплăха туймасăр, сывă пурнăç йĕркине тытса пымасăр, палăртнă ĕçе вĕçне çитермесĕр пулмассине хăнăхтарса пырасси.
Конкурса литература чĕлхипе лайăх çырма пултаракан кашни çын хутшăнма пултарать.
Материалсен калăпăшĕ А-4 форматлă икĕ хут листинчен пысăк пулмалла мар. Конкурс çĕнтерÿçисене ял хуçалăх ĕçченĕсен уявĕ тĕлне пĕтĕмлетеççĕ. Чи лайăх материалсене пĕтĕмлетнĕ чухне произведенисен актуаллăхне, пĕлтерĕшне, илемлĕх енне шута илеççĕ.
Конкурс валли хатĕрленĕ материалсене çак адреспа йышăнаççĕ: Вăрмар поселокĕ, Советски урам, 8 çурт, «Хĕрлĕ ялав» хаçат редакцийĕ. Электронлă почта адресĕ: urm_gazeta@cbx.ru