00:00 12 февраля 2010 г.
Ял хуçалăхне аталантарма патшалăх енчен пулăшÿ кÿни ырă еннелле улшăнусем тума май парать. Çак укçа-тенкĕпе ăна илекенсем тĕллевлĕ усă курнине палăртаççĕ. Республикипе танлаштарсан, пирĕн район лайăххисен ретне тăма пултарни те çакна çирĕплетсе парать. Ял хуçалăх предприятийĕсемпе пĕрлех уйрăм çынсен те, фермерсен те ĕçĕсем кал-кал пулса пыраççĕ. Юлашки тăватă çул хушшинчи кăтартусене илес пулсан, перекет банкĕнчен 1106 çын 156822 пин тенкĕлĕх, «Россельхозбанкран» 1042 çын 185017 пин тенкĕлĕх кредит илнĕ, çав шутран кăçал 4 çын перекет банкĕнчен - 450 пин, «Россельхозбанкран» 11 çын - 1660 пин тенкĕ.