00:00 12 февраля 2010 г.
Районти Халăха ĕçпе тивĕçтерекен центр патшалăх учрежденийĕнче ятарлă комисси предприниматель ĕçне пуçарса ярас текен 17 ĕçсĕр çыннăн бизнес-планĕсене пăхса тухнă, пуçаруллăскерсемпе пуринпе те куçа-куçăн курса калаçнă. Комисси пур бизнес-плана та ырланă, налук инспекцийĕнче предприниматель лицензине илме сĕннĕ. Тăратнă бизнес-плансем ытларах хурт-хăмăр, мăйракаллă шултра выльăх, сысна, кролик, сурăх, пулă ĕрчетессипе, улма-çырла йывăççисен хунавĕсене çитĕнтермелли питомника хута ярассипе, кăмпа çитĕнтерессипе çыхăннă.