00:00 05 февраля 2010 г.
Çак кунсенче Кĕлкеш шкулĕнче йăлана кĕнĕ йĕркепе тата «Музей тата ачасем» акци программипе килĕшÿллĕн вырăнти паллă педагогсене Н.А. тата И.Н.Афанасьевсене асăнса «Йĕлтĕр йĕрĕ» ăмăрту иртрĕ. Çанталăк сивĕ тăнине пăхмасăрах спортсменсем чылаййăн пуçтарăнчĕç. Чылай шкул ачисем тупăшрĕç. Ытларах ĕнтĕ Кĕлкеш ачисем çĕнтерÿçĕсен ятне илчĕç.
Ăмăртăва район пуçлăхĕн заместителĕ, райадминистрацин вĕрентÿпе çамрăксен политикин пайĕн начальникĕ Ю.Соколовпа шкул директорĕ Ю.Данилов уçрĕç, çĕнтерÿçĕсене грамота, медаль тата укçан преми парса чысларĕç.