00:00 26 января 2010 г.
Пĕлтĕрхи декабрь уйăхĕн вĕçĕнче Мускавра РОСТО (ДОСААФ) черетсĕр IX съечĕ - Раççей ДОСААФ I форумĕ иртнĕ. Съезд Пĕтĕм Раççейри РОСТО (ДОСААФ) общество организацийĕн ятне улăштарма (малашне унăн ячĕ ДОСААФ пулĕ), Устава çирĕплетме, РОСТО (ДОСААФ) обществăн регионсенчи тата вырăнти уйрăмĕсене Раççей ДОСААФĕн регионсенчи тата вырăнти уйрăмĕсем тума йышăнни çинчен чылайăшĕ пĕлеççĕ ĕнтĕ. Çак съездрах вырăнти уйрăмсене Раççей ДОСААФ Уставне пăхăнма сĕннĕччĕ.
Форумра çĕкленĕ ыйтусене сÿтсе явас тĕлĕшпе январĕн 12-мĕшĕнче Чăваш Республикинчи общество организацийĕн черетсĕр вуннăмĕш конференцийĕ иртрĕ, январĕн 19-мĕшĕнче - хула-районсенче. Вăрмарсем те Раççей ДОСААФĕн районти канашне, ун ертÿçине, тĕрĕслевпе ревизи комиссине суйланă.