Новости » Тăваттăн пилĕк медальпе

00:00 23 декабря 2009 г.

Хусан хулинче ветерансем хушшинче çăмăл атлетика енĕпе иртнĕ тĕнче шайĕнчи «Матч-пяти» ăмăртусене Раççей, Беларуç, Украина çĕршывĕсен тата Мускав, Санкт-Петербург хулисен командисем хутшăннă. Вăрмарсем Раççей чысне хÿтĕлесе пысăк çитĕнÿсем тунă. 70-75 çулхисем хушшинче К.Иванов (Кивĕ Вăрмар) 60 метра чупас тата 3 километрлă дистанцире утас енĕпе II-мĕш вырăнсене тухнă, 65-70 çулхи ветерансем хушшинче Н.Михайлов (Вăрмар поселокĕ) 400 метра чупассипе 3-мĕш, 3 километра утассипе 2-мĕш пулнă. 50-55 çулхисен ушкăнĕнче Чупай шкулĕнчи физкультура учителĕ А.Ноздрин 400 метра чупса 4-мĕш вырăна тухнă. 45-50 çулхисем хушшинче райадминистраци ĕçĕсен управляющийĕ - организациллĕ ĕçсен пайĕн пуçлăхĕ Н.Павлов 4-мĕш (60 метр) тата 3-мĕш (1500 метр) вырăнсем йышăннă. Пур призерсене те дипломсем тата медальсем парса чысланă.