Новости » Çамрăксене - ял хуçалăх профессийĕ çинчен

00:00 23 декабря 2009 г.

Иртнĕ кунсенче районти тĕп библиотекăра аслă классенче вĕренекен ачасемпе «Çамрăксене - ял хуçалăх профессийĕ» темăпа информаци кунĕ иртнĕ. «Професси малашлăха палăртать» калаçăва библиотекăра ĕçлекенсем йĕркеленĕ. Тухса калаçнисенчен ачасем агроном, ветеринар, фермер, автомеханик, флорист тата ытти профессисем çинчен нумай пĕлчĕç. «100 тĕрлĕ паллă професси» кĕнекен презентацине библиотекăри пай заведующийĕ Э.Демьянова ирттернĕ. Районти ĕçпе тивĕçтерекен центрти специалист Л.Мишина «Професси суйласа илнĕ чухне йăнăшас мар» темăри калаçура пурнăçра чи кирлĕ профессисем пирки чарăнса тăнă. Çавăн пекех вăл ачасене хальхи вăхăтри профессисем çинчен калакан буклетсем панă. Информаци центрĕн заведующийĕ С.Щербакова профессисем çинчен калакан компакт-дисксен презентацине ирттернĕ.