00:00 18 декабря 2009 г.
Гавай управĕсен тĕп хулинче Гонолулура иртнĕ пĕтĕм тĕнчери «Honolulu Marathon 2009» марафон ăмăртăвĕ пирĕн ентешшĕн, Атайкассинче çуралса ÿснĕ Светлана Захаровашăн, çĕнтерÿпе вĕçленнĕ. 42 километр та 195 метрлă дистанцие вăл 2 сехет те 28 минут та 34 çеккунтра вĕçленĕ. Япони чупуçине Кийоко Шимахарана 1 минут та 19 çеккунт кая хăварнă.
Аса илтеретпĕр: Светлана икĕ хут çуллахи Олимп вăййисене, Бостонри, Чикагăри (АПШ) марафон чупăвĕсене темиçе хут та хутшăннă. Кăçал вăл Лондонри марафонра 4-мĕш пулнă, тĕнче Кубокĕнче командăпа пĕрле «бронза» çĕнсе илнĕ.