00:00 14 ноября 2009 г.
Кăçалхи 10 уйăхра районта пур тĕрлĕ категориллĕ хуçалăхсенче пурĕ 3096,8 тонна аш-какай, 14499,7 тонна сĕт туса илнĕ. Иртнĕ çулхи çак вăхăтрипе танлаштарсан аш-какай туса илесси 5,4 процент, сĕт - 2,3 процент ÿснĕ. Ял хуçалăх предприятисенче 2324 тонна сĕт суса илнĕ. Ку енĕпе районта «Арабоси» Агрофирма», «Вăтам Энĕш» тулли мар яваплă обществăсемпе «Шигали» хуçалăх малта пыраççĕ.
Ноябрĕн 1-мĕшĕ тĕлне мăйракаллă шултра выльăхсен шучĕ районĕпе10237 пуç, çав шутра ял хуçалăх предприятисенче1357 пуç. Сăвакан ĕнесем пур тĕрлĕ категориллĕ хуçалăхсенче 4191 пуç, çав шутран ял хуçалăх предприятийĕсенче - 733, сыснасем 10432 пуç, çав шутра ял хуçалăх предприятийĕсенче -1239, 141746 пуç кайăк-кĕшĕк, çав шутра «Урмарская» кайăк-кĕшĕк фабрикинче114373 пуç, лашасем 212 пуç, качакасемпе сурăхсем 13972 пуç.