Новости » Çамрăк ăрăва - патриотизмла воспитани

00:00 14 ноября 2009 г.

Раççей милицийĕн кунне халалласа Шупашкарта ирттернĕ «Саккунпа йĕркелĕх хуралĕнче» конкурса Вăрмар районĕнчен 30 ача хутшăнса пушар тата милици ĕçĕсене халалланă ĕçсене тăратнă. Çавна май вĕсене валли анлă программа йĕркеленĕ. Чи малтанах çамрăксем Шалти ĕçсен пайĕнче ĕçлесе служба тивĕçĕсене пурнăçласа паттăррăн пуçĕсене хунисене чысласа лартнă палăк умне чĕрĕ чечексем хунă. Унтан вĕсем пушара хирĕç пропагандăлакан тата общество çыхăнăвĕн Центрне çитсе курнă, Аслă Отечественнăй вăрçă, Чăваш Республикин Шалти ĕçсен тата шалти çарсен ветеранĕсемпе тĕл пулнă. ЧР Шалти ĕçсен министерствин музейĕнче пулса чылай çĕнĕлĕхсемпе паллашнă.