00:00 06 ноября 2009 г.
Çак акцие халалласа Чупай ял библиотекинче аслă классенче вĕренекенсемпе «Аслă та хăрушă илĕртÿлĕх» темăпа информаци сехечĕ иртнĕ. В.Леонтьева библиотекарь яш-кĕрĕмпе хĕр упраçа алкоголь, никотин, наркотик сиенĕ çинчен тĕплĕн ăнлантарнă. Çавăн пекех вăл сиенлĕ йăласем ăçтан пуçланса кайнипе тата вĕсен историйĕпе тĕплĕн паллаштарнă. Творчествăлла аталану, спорт, ырă, сывă пурнăç йĕркине тытса пыни кăна çак сиенлĕ йăласене пĕтерме пулăшнине палăртрĕ Вера Николаевна. Асăннă мероприяти «Çитменлĕхсем ĕçсĕр çÿренипе пулаççĕ» девизпа иртнĕ. Çавăн пекех ачасем валли «Сывлăхăн тăшманĕсем: никотин, алкоголь, наркотик» ятпа выставка йĕркеленĕ.