Новости » Тăван ялне 67 çултан таврăнĕ

00:00 31 октября 2009 г.

Вăрçăра вилнĕ салтаксен ÿчĕсене тупас енĕпе ĕçлекен шырав отрячĕ Нева юхан шывĕнче Кĕлкеш ял Советĕнчен çар ретне тăнă Василий Иванов хĕрлĕ армеецăн ÿтне тата япалисене тупнă. В.Иванов 1942 çулхи сентябрĕн 26-мĕшĕнчех понтонпа шыв урлă каçнă чухне снаряд сирпĕннипе вилнĕ. Çакăн çинчен калакан хут тăван килне асăннă çулах килнĕ пулнă, анчах почтальон пулса ĕçленĕ тăванĕ çырăва мăшăрне те, амăшне те кăтартман. Вĕсем шанăçпа пурăнсах çĕре кĕнĕ. Вилнĕ салтакăн 75 çулхи ывăлĕ пур. В.Иванов ÿтне тăван ялне илсе килсе пытарма палăртнă.