Новости » Таньăна Нью-Йорк кĕтет

09:40 02 ноября 2009 г.

Ноябрĕн 1-мĕшĕнче Нью-Йоркра иртекен Пĕтĕм тĕнчери 40-мĕш марафона хутшăнасси çинчен пирĕн ентеш, Карăкçырма ялĕнче çуралса ÿснĕ тĕнче класлă спорт мастерĕ Татьяна Петрова çăмăл атлет пĕлтернĕ. Таньăшăн хăйĕн ĕмĕрĕнче ку виççĕмĕш марафон кăна пулать-ха. Вăл ытларах 3000, 5000 метрлă дистанцисенче ăмăртать. Анчах хăйĕн спорт карьеринче улшăнусем пулма пултарасса вăл Шупашкарта çăмăл атлетика енĕпе иртнĕ Раççей чемпионатĕнчех пĕлтернĕччĕ. «Кисловодскран таврăннă хыççăн эпĕ марафон чупма хатĕрленетĕп. Нью-Йоркри ăмăрту манăн хатĕрленÿ графикĕпе шăпах пĕр килет», - тенĕччĕ. График пĕр килнĕ май, ăнăçу та унпа юнашарах пырасса шанатпăр.