00:00 21 октября 2009 г.
Çĕршывăн тĕп хулинче, Мускавра, Ял хуçалăх тата тирпейлекен промышленность ĕçченĕсен кунне уявланă тапхăрта Пĕтĕм Раççейри выставка центрĕнче «Ылтăн кĕркунне» курав иртнĕ. Çак пысăк мероприятие ЧР Ял хуçалăхĕн тава тивĕçлĕ ĕçченĕ, «Урмарская» ăратлă кайăк-кĕшĕк фабрикин директорĕ Н.Петров тата ЧР ял хуçалăхĕн тава тивĕçлĕ ĕçченĕ, фабрикăри юсав мастерскойĕн заведующийĕ В.Яковлев та хутшăннă.
- Чăннипех тухăçлă та интереслĕ иртрĕ Пĕтĕм Раççейри «Ылтăн кĕркунне - 2009» курав. Унта Раççейри 50 регионтан тата 29 ют çĕршывран хутшăнчĕç. Эпир тăратнă кайăк-кĕшĕк продукцине те пысăк хак пачĕç. Пире Раççей Ял хуçалăх министрĕ Е.Скрынник тата Мускав хулин мэрĕ Ю.Лужков алă пуснă Дипломпа наградăларĕç, - тулли кăмăлпа каласа парать фабрика пуçлăхĕ Николай Петрович.