00:00 14 октября 2009 г.
«2006-2010 çулсенчи Вăрмар районĕн çамрăкĕсем» районти тĕллевлĕ программăпа килĕшÿллĕн пирĕн районта кăçалхи октябрĕн 6-мĕшĕнчен пуçласа ноябрĕн 30-мĕшĕччен «Çамрăксем ырă, сывă пурнăç йĕркишĕн» ятпа акци иртет. Унăн тĕллевĕ - çамрăксем хушшинче ырă, сывă пурнăç йĕркине пропагандăласси, ачасене тата çамрăксене тĕрлĕ спорт мероприятисене ытларах явăçтарасси, усал йăла йĕркесенчен сиресси. Çавна май акци вăхăтĕнче тĕрлĕ спорт мероприятийĕсем, конференцисем, семинарсем, республикăн тĕрлĕ шайри паллă çынсемпе тĕл пулусем, выставкăсем тата ытти те ирттерме палăртнă.