00:00 14 октября 2009 г.
Октябрĕн 16-мĕшĕнче Чăваш халăх писателĕ В.Алендей çуралнăранпа 90 çул çитнине районта анлăн паллă тума хатĕрленеççĕ. Тĕп мероприятисем унăн тăван ялĕнче Кĕтеснерте пулаççĕ, çавăнпа та уява йĕркелесе ирттерсе ярас енĕпе ĕçлекен комитетăн ларăвĕ те унтах иртрĕ.
Райадминистрацин культура, социаллă аталану тата архив ĕçĕн пайĕн тĕп специалист-эксперчĕ Ю.Максимов, ял тăрăхĕн пуçлăхĕ В.Данилов ертсе пынипе паллă кун туса ирттермелли ĕçсене пайăррăн сÿтсе яврĕç, вăхăтне çирĕплетрĕç. Çапла вара килекен хăнасене малтан 10 сехетре район администрацийĕнче кĕтсе илĕç. Ун хыççăн делегаци Кĕтеснере çул тытĕ. Планра писателĕн вил тăприйĕ çине чечексем хурасси, паркра йывăçсем лартасси, ялти шкулта чыслав мероприятийĕсем ирттересси, В.Алендей премийĕн лауреачĕсене чысласси.