00:00 14 октября 2009 г.
Çурт-йĕр пулсан çемье тĕреклĕ, тулли, хăтлă. Анчах та ăна хăпартма укçа-тенкĕ чылай кирлĕ. Çавăнпа та çурт-йĕр хăпартма федераллă, республика, район шайĕнче тĕрлĕ программăсем ĕçлеççĕ. Райадминистрацин строительство тата обществăлла инфратытăм пайĕн тĕп специалисчĕ А.Михайлов «2012 çулчченхи ялсен социаллă аталанăвĕ» федераллă тĕллевлĕ программăпа килĕшÿллĕн хăтлă çурт-йĕр çавăрма тата туянма черетре тăракан граждансене свидетельствăсем панă. Вĕсене А.Гаврилов (Тикаш ял тăрăхĕ), А.Ильин (Чулкас), О.Семенова (Пинер) илнĕ.