00:00 07 октября 2009 г.
Районти спорт çуртĕнче Учитель кунне халалласа вĕрентÿ учрежденийĕсем хушшинче ăмăртусем иртрĕç. Пилĕк тĕрлĕ спорт енĕпе ăмăртрĕç унта хутшăннисем - дартс, тăршшĕне сикесси, турник çинче туртăнасси, эстафета, баскетбол мечĕкне карçинккана персе кĕртесси. Çивĕч тупăшура малти вырăнсене Кĕлкеш, Пинер, Кивĕ Вăрмар шкулĕсен командисем йышăнчĕç. Çĕнтерÿçĕ командисене диплом тата укçан парса хавхалантарчĕç.