Новости » Каялла пулсан та малалла

00:00 26 августа 2009 г.

Шупашкарта хула кунне халалланă уяв тĕрлĕ мероприятисемпе пуян. Вĕсенчен пĕри вăл «Атăл леш енчи ылтăн хăйăрсем» авторалли. Кашни çулах вăл хăй тавра çĕршывăн тĕрлĕ кĕтесĕсенчи çак спорта юртакансене пухать. Вăрмарсем те унта хутшăнмасăр юлмаççĕ. Акă кăçал та Ю.Иванов (Энĕшпуç) автомобилистсем хушшинче финиша пуринчен малтан çитнĕ. Г.Ашмарин (Кавал) экипажĕ ВА3-2121 автомашинăпа дистанцие виççĕмĕш вĕçленĕ. Кунта çакна каласа хăварни те вырăнлă - Георгий Михайлович машинин малти передачăсен коробки сиенленнĕ пирки çеç финиша вĕсен виççĕмĕш вăхăт кăтартса вĕçлеме лекнĕ. Тата мĕнле вĕçленĕ! Районти шалти ĕçсен пайĕн ГИБДД начальникĕ А.Кондратьев та ăмăртăва хутшăннă, начар мар результатсемпе вĕçленĕ.