00:00 12 августа 2009 г.
Августăн 5-мĕшĕнче 1 сехет те 45 минутра Кивĕ Вăрмар ялĕнче пушар тухрĕ. Çак пушарта сарай 4х12 лаптăк çинче çунса кайрĕ. Унсăр пуçне сарайĕнчи пурлăх çунса кĕлленчĕ.
Августăн 7-мĕшĕнче Вăрмар поселокĕнчи Гагарин урамĕнче пурăнакансен хуçалăхĕнче пушар тухрĕ. Çак пушар вăхăтĕнче кил хуçисем килте пулнă пулин те, хăйсем вăйĕпе пушара сÿнтерме пултараймарĕç, мĕншĕн тесен гаражра огнетушительсем пулманнипе тата вут çулăма сÿнтерме пĕлменнипе гараж, сарай тата мотоцикл çунса кайрĕç. Тепĕр сăлтавĕ - пушар чаçне вăхăтра пĕлтерменни.
Халĕ карас (сотовăй) телефонсăр çын çук та пулĕ, анчах чылайăшĕ пушар тухсассăн унпа пушар хуралне мĕнле шăнкăравламаллине пĕлмеççĕ. Çавăнпа та пушар хуралĕн телефон номерĕсене тепĕр хут пĕлтеретпĕр. Мегафон - 112, Билайн, МТС, Смартс - 010, Вăрмарти пушар хуралĕн чаçĕ 2-13-09.