00:00 25 июля 2009 г.
Республикăн 6 районĕнче – Тăвайĕнче, Елчĕкре, Хĕрлĕ Чутайра, Куславккара тата иккĕ Шупашкарта – куçман харпăрлăха регистрацилес тĕлĕшпе июлĕн 15-мĕшĕнчен «пĕр чÿрече» ĕçлеме тытăннă. Çакă çынсемшĕн питĕ меллĕ. Халĕ кадастр учетне тăма, правăна регистрацилеме ыйтса çырнисене пĕр кабинетрах хăварма пулать. Кадастр паспорчĕпе право çинчен калакан свидетельствăна илессин вăхăчĕ те икĕ уйăхран пĕр уйăх таран чакать.
Регистраци службин Чăваш Енри управленийĕнчен пĕлтернĕ тăрăх, çулталăк вĕçлениччен «пĕр чÿрече» системи пурĕ15 районта ĕçлеме пуçламалла. Çак çĕнĕлĕх пирĕн района çитессе те кĕтетпĕр.