00:00 18 июля 2009 г.
Çуллахи ăшă çанталăкра лăп та шăп утă пухмалли вăхăт. Районти ял хуçалăхĕпе экологи, çĕрпе пурлăх пайĕнчи оперативлă даннăйсем тăрăх 3700 гектар çинчен нумай çул ÿсекен курăксене çулнă, ку çулмалли лаптăкăн 95,9 проценчĕ пулать, 2140 тонна утă,1900 тонна сенаж,120 тонна витаминлă курăк çăнăхĕ хатĕрленĕ. Выльăх апачĕ хатĕрленипе пĕрлех кĕрхи культурăсене акма çĕр хатĕрлеççĕ, çак вăхăт тĕлне 2510 гектар сухаланă.
«Шигали» ял хуçалăх производство кооперативĕн ĕçченĕсем агротехникăлла пур мероприятисене те вăхăтра тата пысăк пахалăхпа туса ирттерме тăрăшаççĕ. Кĕр тыррисем акма çĕр хатĕрленĕ çĕрте В.Ульянов механизатор Т-150 тракторпа тăрăшулăх кăтартать.