00:00 06 мая 2009 г.
Республикăри хĕрарăмсен канашĕн правленийĕн ларăвĕ ку хутĕнче Елчĕкре иртнĕ. Тĕп ыйтусенчен пĕри - кăçал сентябрь уйăхĕнче республикăра хĕрарăмсен XV съездне хатĕрленсе ирттерсе ярасси пирки пулнă. Унччен, июнь уйăхĕнче, отчетпа-суйлав конференциййĕсем ирттермелле, май-июнь уйăхĕсенче ял тăрăхĕсенчи хĕрарăмсен канашĕсен отчетпа суйлав пухăвĕсем пулмалла.
Чи савăнăçлă самант - форумра пирĕн республикăри активлă та хастар виçĕ хĕрарăма Раççей хĕрарăмĕсен Союзĕн Хисеп грамотине пани пулнă. Вĕсенчен пĕри пирĕн районти хĕрарăмсен канашĕн председателĕ - республикăри хĕрарăмсен канашĕн правленийĕн членĕ Галина Леонидовна Петрова пулнă. Апла пулсан ăна çак ятпа саламласа ырлăх-сывлăх сунар. Малашне те çак хисепе çÿллĕ шайра тытса пырса лайăх ĕçлемелле пултăр.