00:00 25 апреля 2009 г.
Паян Чăваш Енĕн наци радиовĕ хăйĕн хыпарлавне пуçлĕ. Тĕп хулари Наци библиотеки умĕнчи И.Я.Яковлев палăкĕ умĕнче 13 сехетре иртекен уяв митингне хутшăнакансем валли радиостанцие ĕçлеттерсе ярĕç.
Кăларăмсем эфира та, пралук радиохыпарлавĕ урлă та тухĕç. Эфир хыпарлавне республикăра пурнăçлама Йĕпреçри (УКВ 72, 41 МГц) тата Çĕрпÿри (FM 105,0 МГц) передатчиксем пулăшĕç. Тĕп хулара тата Çĕнĕ Шупашкарта, Улатăрта, Çĕмĕрлепе Канашра Чăваш Енĕн наци радионе пралук хыпарлавĕн «виççĕмĕш» кнопкипе итлеме май килĕ.