00:00 11 апреля 2009 г.
Лондонра, Н.Федоров Президент хушнипе килĕшÿллĕн, Чăваш Республикин делегацийĕ - ЧР премьер-министрĕ С.Гапликов, Строительство министерствин ертÿçи А.Гончаров тата Ипотека корпорацийĕн генеральнăй директорĕ Д.Крюков - Европăри аталанупа çитĕнÿ банкĕн президенчĕпе Томас Мироу господинпа тата пĕрремĕш вице-президентпа Варель Фриман господинпа курса калаçнă. Тĕпрен илсен, тĕл пулура Шупашкарпа Çĕнĕ Шупашкар хушшинче троллейбус çÿретессине, биологи пулăшăвĕпе тасатакан сооруженисене çĕнетсе улăштарассине, хытă каяшсене тирпейлемелли полигон тăвассине, пĕлтерĕшлĕ ытти ыйтăва тишкернĕ.
Чăваш Республикин делегацийĕ çавăн пекех Раççей Федерацийĕн Аслă Британири торгпредствинче кунти ĕçлĕ çынсене Чăваш Енĕн инвестици илĕртÿлĕхĕпе паллаштарнă, Британи-Раççей инвестици клубĕн тата Лондонри экономика шкулĕн элчисемпе тĕл пулнă.