00:00 17 января 2009 г.
Йăлана кĕнĕ йĕркепе Шупашкар - Чăваш епархийĕ кашни çулах Раштав уявĕсем ирттерет. Иртнĕ кунсенче кăна-ха «Раштав çăлтăрĕ» фестивале чиркÿсем çумĕнчи вырсарни шкулне çÿрекен ачасем хутшăнчĕç. Çак уява пирĕн районти Михаил Архистратиг чиркÿ çумĕнчи вырсарни шкулĕн пултарулăх ушкăнĕнчи 13 ача хутшăнчĕ. Вăл республикăри культура училищинче иртрĕ. Залра тĕн енĕпе çыхăннă юрăсен кĕвĕ çемми шăранчĕ. Сăвăсем каларĕç, инсценировкăсем лартрĕç. Пирĕн район ачисем юрă юрларĕç.
Çутă уява ачасен пултарулăхĕпе савăнма ашшĕ-амăшĕсем те пынă. Фестивале хутшăннисем наградăсемпе кучченеçе тивĕçрĕç. Çĕнĕ 2009 çулпа тата Раштав уявĕпе Улатăр епископĕ, Шупашкар-Чăваш епархийĕн викарийĕ Савватий, ЧР Культура министерствин пай пуçлăхĕ М.Краснов саламларĕç.