16:31 27 ноября 2017 г.
М.ИВАНОВА, 3 ача амăшĕ, воспитатель:
«Чăваш Республикин Пуçлăхĕ М.Игнатьев «Материнская слава» хисеп палли çинчен» Хушăва алă пусни пирĕн регионта пурăнакан нумай ачаллă кашни хĕрарăмшăн ырă хыпар тесе шухăшлатăп. Пирĕн республикăра ачаллă çемьесене яланах пысăк тимлĕх уйăрнине палăртса каламалла. Нумай ача ÿстерекен, вĕсене тĕрĕс воспитани парассишĕн вăй хуракан, вĕсен пуласлăхĕшĕн ăнтăлакан хĕрарăмсене «Материнская слава» хисеп паллипе чыслани амăшĕсен çăмăл мар ĕçĕ-хĕлне тивĕçлипех хакланине çирĕплетет, малалла та тÿрĕ кăмăлпа ачасемшĕн тăрăшма хавхалантарать».
Е.Павлова, 6 ача амăшĕ, Çитмĕш ялĕ:
«Чăваш Республикин Пуçлăхĕ М.Игнатьев 2017 çулхи ноябрĕн 25-мĕшĕнче «Ача амăшĕн Мухтавĕ» Хисеплĕ ят пама йышăнни чунра чăн-чăн мăнаçлăх çуратрĕ. Вăл халăх умĕнче тухса калаçнă чухне те пурнăç тата юрату парнеленĕ ача амăшĕ çинчен яланах ырă та ăшă сăмахсем калани мана тахçанах савăнтарать».
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики
Первоисточник: И.Данилова, А.Николаева