Новости » Чăваш Ене - наци премийĕ

11:23 14 декабря 2013 г.

РФ Спорт министерстви наци премийĕсен «Раççей мухтавĕ» конкурсне пĕтĕмлетнĕ. 2010 çулта йĕркеленĕ конкурс 7 номинаципе иртнĕ. Унăн положенийĕпе килĕшÿллĕн чи лайăх спортсмена (арçынсемпе хĕрарăмсен хушшинче уйрăммăн) тата тренера суйланă. «Раççей шанăçĕ» номинацире спорт шкулĕсен тата адаптаци спорчĕ енĕпе ĕçлекен вĕренÿ учрежденийĕсен ĕçне хакланă. Чи лайăх журналистпа спорт кăларăмĕ те наци премине çĕнсе илнĕ. Çавăн пекех «Спорта парăннăшăн», «Йывăрлăха çĕнтерсе», «Ял тăрăхĕсенчи физкультурăпа спорта аталантарни» тата ытти номинаци çĕнтерÿçисене палăртнă. Чăваш Республики физкультурăпа спорт енĕпе пысăк ĕçсем пурнăçланăшăн «Раççейĕн чи лайăх субъекчĕ» ята тата 500 пин тенкĕ премие тивĕçнĕ.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики