Новости » Бизнес аталанăвĕ пĕлтерĕшлĕ

10:04 04 декабря 2013 г.

Шупашкарта регионсен хушшинчи «Ăнăçлă бизнесăн стратегийĕпе тактики» ятпа IX форум иртнĕ. Ăна Пĕтĕм тĕнчери Пахалăх кунне халалланă. Ĕçлĕ тĕл пулăва Чăваш Ен Пуçлăхĕ М.Игнатьев хутшăннă. Михаил Васильевич патшалăх политики тÿрĕ кăмăлпа ĕçлекен усламçăсене аталанмашкăн «симĕс çутă» яланах панине, паха тавар туса кăларакансен, çавăн пекех Чăваш Енре пурăнакансен хăтлăхне ÿстерме тăрăшнине палăртнă. «Чăваш Республикинчи чылай предприяти ют çĕршывсенче тавар туса кăларакансемпе хăюллăнах çивĕч тупăшăва кĕме пултартăр тесен пахалăх ыйтăвĕ пур отрасльте те тĕп вырăнта пулмалла. Форума пухăннисем пĕр-пĕринпе канашласа бизнеса тĕрĕс аталанма майсем туса парĕç», - тенĕ М.Игнатьев. Форумра «Апат-çимĕç промышленноçĕн пахалăхĕ» темăпа анлăн калаçнă.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики