10:00 04 декабря 2013 г.
ЧР Министрсен Кабинечĕ Чăваш Республикин 2014-2020 çулсем валли «Чăваш Ен информаци обществи» патшалăх программине ырланă.
Ку вăл Чăваш Республикин Министрсен Кабинечĕн членĕсем итлесе кăçал йышăнма палăртнă 15 программăсенчен пĕрремĕшĕ.
«Чăваш Ен информаци обществи» патшалăх программи тăватă çумпрограммăран тăрать.
Вĕсен тĕллевĕ - республика территорийĕнче информаци тата телекоммуникаци технологийĕсене экономикăра, социаллă пурнăçпа политикăра, культурăра тата ытти сферăсенче аталантарасси.
Патшалăх программине пурнăçлани республикăра Интернет сечĕпе усă куракансен шутне ÿстерме пулăшĕ, Чăваш Енре пурăнакансене электрон пулăшăвĕпе ытларах та пахалăхлăрах усă курма, Чăваш Республикинчи власть органĕсен ĕçĕ-хĕлне лайăхрах çутатса тăма май парĕ.
Республика Пуçлăхĕ власть органĕсен тĕп задачи - халăха патшалăх пулăшăвĕсемпе пахалăхлă тивĕçтерни пулнине палăртнă. «Влаçăн пуриншĕн те уçă пулмалла», - тесе шутлать М.Игнатьев. Ун шухăшĕпе, ытларах уççăн ĕçлени ĕçлĕ лару-тăрăва лайăхлатать тата регионăн инвестици илĕртÿлĕхне ÿстерет.
Чăнах та тĕллевлĕ программа уйрăм çынсене пĕрлештерсе пĕрлĕх вăйне туйма май парать, çакă вара çитĕнÿсен çăл куçĕ, малашĕ те пулса тăрать.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики