14:27 27 ноября 2013 г.
Регионти нацисен тата тĕнсен хушшинчи килĕшÿлĕхпе çыхăннă программăсене пурнăçа кĕртесси, хутса ăшăтмалли тапхăр пынă май коммуналлă пулăшу хакĕсем ÿснине тĕрĕслесе тăрасси - çак ыйтусем федерацин Чăваш Республикинчи тĕп инспекторĕн аппаратĕнче координаци канашлăвĕн республикăн ĕç тăвакан влаç, вырăнти хăй тытăмлăх тата федераци ведомствисен территорири органĕсемпе ирттернĕ пĕрлехи ларăвĕнче тĕп вырăнта пулнă.
«Вĕсене РФ Президенчĕн федерацин Атăлçи округĕнчи полномочиллĕ представителĕ М.Бабич хăй тĕрĕслесе тăрать», - тенĕ федерацин Чăваш Республикинчи тĕп инспекторĕ Г.Федоров. Вăл нацисен тата конфессисен хушшинчи килĕшÿлĕхпе тăнăçлăх темине полномочиллĕ представитель çумĕнчи канашра декабрь уйăхĕнче тĕплĕн сÿтсе явассине пĕлтернĕ.
Пирĕн республикăра нацисен тата конфессисен хушшинчи килĕшÿлĕхпе лăпкăлăха йĕркелес енĕпе мĕнле программăсем пурнăçланни пирки ЧР Министрсен Кабинечĕн Председателĕн çумĕ - ЧР Пуçлăхĕн Администрацийĕн ертÿçи А.Иванов каласа кăтартнă. Паянхи кун Чăваш Енре 128 наци çынни пурăнать. 28 наци-культура пĕрлешĕвĕ ĕçлет, вĕсем 16 наци интересĕсене хÿтĕлеççĕ. Çавăн пекех 15 конфессин 307 тĕн организацийĕ регистрациленнĕ. Республикăри аслă шкулсенче 37 çĕршывран килнĕ 491 студент вĕренет. Нацисемпе конфессисем пĕр-пĕринпе килĕшÿлĕхре тата çураçулăхра пурăнччăр тесе Чăваш Енре нормăпа право никĕсне йĕркеленĕ: унта саккунсем те, ЧР Правительстви йышăннă актсем те кĕреççĕ. Чăваш Ен Пуçлăхĕ çумĕнче канашлу тата консультаци органĕсем - ЧР национальноçсен ĕçĕсен Канашĕ тата тĕн пĕрлешĕвĕсемпе ĕçлекен Канаш туса хунă.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики