11:14 23 ноября 2013 г.
Районти «Хĕрлĕ ялав» хаçат редакцийĕ «Çырăнтару - 2014» кампани вăхăтĕнче хуçалăхсен, предприятисемпе организацисен, учрежденисен, хресчен (фермер) хуçалăхĕсен ертÿçисене тата уйрăм çынсене явăçтарса 2014 çулăн пĕрремĕш çур çулĕнче район хаçатне илсе тăма çырăнтару йĕркелекенсем тата ăна çырăнса илекен уйрăм çынсем хушшинче кăçалхи декабрĕн 25-мĕшĕччен «Хĕрлĕ ялав» хаçат çырăннисене - парнесем» лотерея вылявĕ ирттерет.
Пирĕн хаçата çырăнса эсир хамăр тăрăхри, республикăри, Раççейри хыпарсене туллин пĕлсе тăма пултаратăр, унсăр пуçне парнесем çĕнсе илес шанăç та пур. Çĕнĕ çул тĕлне вăл питĕ вырăнлă.
Лотерея вылявне хутшăнас текенсен декабрĕн 24-мĕшĕччен 2014-мĕш çулхи пĕрремĕш çур çулшăн хаçат çырăннине çирĕплетекен квитанцисене редакцие килсе е почта урлă ярса памалла. Пирĕн адрес: Вăрмар поселокĕ, Советски урамĕ, 8 çурт. Тел.: 2-15-76, 2-16-74.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики