Новости » Профилактика ĕçĕсем

15:10 20 ноября 2013 г.

Кашни çулах кĕркуннепе çуркунне çынсене грипп чирĕ асаплантарать. Çак усал чире хирĕç район больницинче кăçал та иртнĕ çулсенчи пекех профилактика ĕçĕсем ирттереççĕ. Çуралнăранпа ултă уйăхран иртнĕ пĕчĕк ачасене, шкулта 1-11 классенче тата аслă тата вăтам вĕренÿ заведенийĕсенче вĕренекенсене, шкул тата медицина работникĕсене, 60 çултан иртнĕ тата аслăраххисене прививкăна тÿлевсĕр тăваççĕ. Ытти категорине лекекенсен кăштах тăкакланма тивет. Çавăнпа та районти организацисен тата ял хуçалăх промышленноç предприятийĕсен руководителĕсен пĕрле ĕçлекенсен сывлăхĕшĕн тăрăшса чире хирĕç прививка тутарас пирки мерăсем йышăнмалла. Вакцинацие район больницин поликлиникинче, пĕтĕмĕшле врач офисĕсенче, фельдшерпа акушер пункчĕсенче тутарма пулать. Яланах çакна асра тытăр - сывлăх пирĕн чи хаклă пуянлăх, ăна упрасси хамăртан килет.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики