10:03 13 ноября 2013 г.
Ноябрĕн 5-мĕшĕнче Чăваш Ен Пуçлăхĕ М.Игнатьев республикăн Министрсен Кабинечĕн черетсĕр ларăвне ирттернĕ. Унта Чăваш Республикин 2013 çулхи тата планпа пăхнă 2014, 2015 çулсенчи бюджечĕ çинчен калакан саккуна кĕртмелли улшăнусене ырланă.
Тăратнă саккун проекчĕпе килĕшÿллĕн республикăн 2013 çулхи бюджечĕн уйрăмлăхĕсем çакăн пек: тупăшсем тăрăх - 35424,7 млн тенкĕ (малтан çирĕплетнĕ тупăшсем тĕлне ÿсĕм 18,4 процент е 5496,5 млн тенкĕ, çав шутра харпăр хăйĕн тупăшĕсем тăрăх - 333,3 млн тенкĕ, килнĕ çăлкуçсем тăрăх - 5163,2 млн тенкĕ), тăкаксем тăрăх - 38231,9 млн тенкĕ (ÿсĕм 23,6 процент тата 7295,5 млн тенкĕ). Республикăн 2013 çулхи бюджечĕн дефицитне 1385,5 млн тенкĕ чакарма сĕннĕ, тÿрлетнине шута илсе 2807,2 млн тенкĕ тесе палăртнă.
РФ Правительствин тĕрлĕ йышăнăвĕ тăрăх федераци бюджетĕнчен 880,7 млн тенкĕ килмелле. Çав шутра бюджет тытăмĕнче ĕçлекенсен ĕç укçине ÿстермелли хушма тăкаксен пĕр пайне саплаштарма - 609,1 млн тенкĕ (çулталăк пуçланнăранпа пĕтĕмпе - 989 млн тенкĕ); ял хуçалăхне пулăшма уйăракан субсидисем - 132,9 млн тенкĕ; Тăван çĕршывăн 1941-1945 çулсенчи Аслă вăрçин ветеранĕсене пурăнмалли çурт-йĕрпе тивĕçтерме паракан субвенцисем - 41,4 млн тенкĕ (çулталăк пуçланнăранпа пĕтĕмпе - 807,9 млн тенкĕ); Федерацин вĕренĕве 2011-2015 çулсенче аталантармалли тĕллевлĕ программин мероприятийĕсене пурнăçа кĕртмешкĕн пулăшма уйăракан субсидисем - 316 млн тенкĕ тата ытти те.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики