Новости » «Кашни лайăх кун ылтăнпа тан», -

13:53 16 октября 2013 г.

теççĕ районти çĕр ĕçченĕсем. Райадминистрацин ял хуçалăхĕпе çĕр хутшăнăвĕсен пайĕнчен пĕлтернĕ тăрăх, районти хресчен (фермер), ял хуçалăх предприятийĕсем 789 гектар çинчен çĕр улмине пухса кĕртнĕ. Çакă 86 процентпа танлашать. Тухăç пĕр гектартан - 181 центнер. Октябрĕн 14-мĕшĕ тĕлне пурĕ 14290 тонна çĕр улми пухса кĕртнĕ. Çĕр улмине кăларас ĕç каçхи вăхăтра та чарăнмасть. Ку енĕпе «Ямуков Г.Н.», «Хмелев С.Г.», «Яковлев В.Н.», «Иванова О.А.» хресчен (фермер) хуçалăхĕсем çанă тавăрса ĕçлеççĕ. Кашни лайăх кун ылтăнпа тан вĕсемшĕн. Çавна кура çĕр ĕçченĕсем май пур таран «иккĕмĕш çăкăра» пухса кĕртессишĕн тăрăшса вăй хураççĕ.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики