Новости » Тутарстан Президенчĕ тав тунă

15:47 24 августа 2013 г.

Кăçал июлĕн 6-17-мĕшĕсенче Хусан хулинче Пĕтĕм тĕнчери çуллахи XXVII универсиада иртнĕ. Студентсен вăййисене хутшăннă хамăр çĕршыври пин-пин çын тата чикĕ леш енчи хăнасем мероприятие çÿллĕ шайра хатĕрленине, йĕркелÿ комитечĕ лайăх ĕçленине палăртнă.

Хусанти универсиада - Пĕтĕм тĕнчери студентсен вăййисен историйĕнче чи калăпăшли. Унта 160 çĕршыври 11778 спортсмен хутшăннă, спортăн 27 тĕсĕпе 351 медаль çĕнсе илнĕ, Хусана 150 пин ытла хăнапа турист пынă. Пĕтĕм тĕнчери студентсен спорчĕн федерацийĕн Президенчĕ К.Гальен каланă тăрăх - Хусан хулинче иртнĕ Пĕтĕм тĕнчери çуллахи универсиада - маларах йĕркеленĕ универсиадăсенчен чи лаййăххи. Çак кунсенче Чăваш Республикин Пуçлăхĕ М.Игнатьев ячĕпе Тутарстан Республикин Президентĕнчен Р.Миннихановран çыру килнĕ, унта вăл «Универсиада-2013» проекта пурнăçа кĕртме пулăшнăшăн тав тунă.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики