15:43 24 августа 2013 г.
Октябрĕн 22-24-мĕшĕсенче Алтай тăрăхĕнчи Барнаул хулинче Пĕтĕм Раççейри ял çамрăкĕсен слечĕ иртет.
Унăн тĕллевĕ - пĕр-пĕрин опычĕпе паллашасси, ялта пĕчĕк тата вăтам предпринимательствăна аталантарас ĕçри çивĕч ыйтусене сирме хăнăхасси, яш-кĕрĕмпе хĕр-упраçа çак ĕçе ытларах явăçтарма майсем тупасси. Тĕрлĕ сферăра тăрăшакан предпринимательсем унта хăйсен проекчĕсене тăратма пултараççĕ.
Слетăн теми - «Ял. Çамрăксем. Бизнес». Мероприяти вăхăтĕнче пĕчĕк тата вăтам предпринимательствăна аталантарма вĕрентекен ятарлă курссем пулĕç. Слета хутшăнакансем «Общество организацийĕсен ял тăрăхне аталантарассинчи вырăнĕ», «Ялти социаллă предпринимательство», «Ял çамрăкĕсене - патшалăх пулăшăвĕ», «Ялти бизнес» темăсене сÿтсе явĕç.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики