15:40 24 августа 2013 г.
Августăн 31-мĕшĕнче, çу вăхăчĕн юлашки кунĕнче, Раççейре пуçласа «Симĕс Раççей» ятпа Пĕтĕм Раççейри субботник ирттереççĕ. Юлашки 20 çул хушшинче вăл чи массăллă мероприяти пулса тăрать. Çак пысăк масштаблă акцие пирĕн районта пурăнакансем те хутшăнаççĕ.
Субботника пуçараканĕ - Раççейри «ТЕХЭКО» экологи фончĕ, унăн пуçарăвне обществăлла экологи юхăмĕсем ырласа йышăннă. Акцие çак çул Тавралăха хÿтĕлемелли çулталăк пулнине шута илсе Раççейри хуласемпе регионсене экологи тĕлĕшĕнчен тасатас тĕллевпе йĕркелеме палăртнă. Акци çÿп-çапа пухма пулăшнипе пĕрлех шкул ачисене Пĕлÿ кунĕ умĕн çут çанталăка тирпейлĕ упрамалли çинчен тепĕр хут аса илтерĕ, çитĕннĕ çынсене вара таса вырăнта таса сывлăшпа пурăнма лайăхрах пулнине конкретлă ĕçпе кăтартса пама пулăшĕ.
Пирĕн районта тирпей-илем кĕртес тĕлĕшпе çак ĕç пырать ĕнтĕ. Халĕ чи пĕлтерĕшлĕ объектсенчен пĕри Вăрмар поселокĕнчи парка хăтлăх кĕртесси. Район администрацийĕнче унта хутшăнма ятарлă график та туса хатĕрленĕ.
Тавралăха упрас тата сыхлас ыйту пысăк пĕлтерĕшлĕ пулнине шута илсе, район администрацийĕ районта пурăнакан кашни çынна, предприятисенче, учрежденисенче, вĕренÿ заведенийĕсенче ĕçлекенсене, обществăлла организацисене тăван тăрăха тирпей-илем кĕртмелли ацие хутшăнма чĕнсе калать.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики