08:12 21 августа 2013 г.
Шупашкар хула кунĕ умĕн Чăваш Ен Пуçлăхĕ М.Игнатьев республикăн тĕп хулинче пурăнакансене савăнăçлă лару-тăрура патшалăх наградисемпе чысланă.
Награда илнисен хушшинче - рабочисем, вĕрентекенсем, культура ĕçченĕсем, организаци-предприяти ертÿçисем. II степень «Çĕршыв умĕнчи тава тивĕçлĕ ĕçсемшĕн» орден медальне «Шупашкарти промышленноç тракторĕсен завочĕ» АУО токарь-расточникĕ Г.Шишкин, В.Петухов токарь тата Н.Федорова гальваник тивĕçнĕ. Шупашкарти агрегат завочĕн токарь-расточникне М.Иванова, тĕп хуламăрти электроаппаратура заводĕнчи А.Терентьева штамповщицăна, Шупашкарти промышленноç шăрату завочĕн машина формовкин формовщикне, хурçă шăратакан Л.Кузьмина, Шупашкарти электроаппаратура завочĕн шăрату участокĕн мастерне И.Мочаловăна тата Шупашкарти промышленноç тракторĕсен завочĕн токарь-расточникне Г.Субботина «Раççей Федерацийĕн тава тивĕçлĕ машиностроителĕ» хисеплĕ ят панипе саламланă.
Шупашкарти «Зеленстрой» АУО транспорт инженерĕ Е.Соловьева Чăваш Республикин Хисеп грамотине тивĕçнĕ. Чăваш патшалăх пукане театрĕн артистне И.Васильевăпа Чăваш патшалăх оперăпа балет театрĕн вокалисткине О.Вильдяевăна «Чăваш Республикин тава тивĕçлĕ артисчĕ», «Республика» хаçатăн тĕп редакторне Л.Михайловăна, ЧР Суту-илÿпе промышленноç палати çумĕнчи ремесленниксен гильдийĕн председательне Н.Бондаре «Чăваш Республикин культурăн тава тивĕçлĕ ĕçченĕ» ятпа чысланă.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики